Kamenicë, 6.7.2020
Në kuadër të projektit “Rikthimi
i prosperitetit përmes turizmit dhe trashëgimisë kulturore” që realizohet nga
OJQ ProActive nga Kamenica, një pjesë e caktuar e fondeve të këtij projekti
është ridrejtuar për nevojat e emergjencave COVID19 të banorëve të komunës së
Kamenicës. Në këtë kuptim, përfaqësuesi i OJQ ProActive Lavdim Klaiqi në
bashkëpunim me zyrtarët komunal nga Drejtoria e Arsimit dhe ajo e Administratës
komunale kanë ideuar dhe zbatuar një ndihmë direkte për 7 familje nga komuna e
Kamenicës. Familjet përfituese u përzgjedhen të pranojnë Tabletë për nevojat e fëmijëve
të tyre shkollarë në këtë kohë të pandemisë, ku mësimi i rregullt klasor është
shëndrruar në mësim online nëpërmjet internetit dhe televizionit . Si rrjedhojë
e kësaj, dje, në sallën e Kuvendit Komunal të Kamenicës është bërë edhe
shpërndarja e këtyre pajisjeve mjaft të nevojshme për nxënësit të cilët janë
përzgjedhur në bashkërëndim me zyrtarë të komunës së Kamenicës. I pranishëm në
ceremoni ishte edhe Drilon Ramabaja nga Drejtoria e Arsimit, i cili shprehu
kënaqësinë për këtë bashkëpunim të ndërsjellë në dobi të femijëve. 
0 comments:
Post a Comment
Ndalohet riprodhimi i plotë ose i pjesshëm i materialeve tona, pa leje paraprake.
Të nderuar lexues. Ju mund të komentoni lirisht, mjafton të mos përdorni fjalë fyese, që nxisin urrejtje mbi baza kombëtare, racore, gjinie apo fetare.